Spurningar

Hvers konar nám er samfélags- og hagþróunarfræði?

Samfélags- og hagþróunarfræði er fjölfaglegt rannsóknarsvið sem byggir m.a. á félagsfræði, þróunarfræði, hagfræði og mannfræði. Aðrar greinar félags- og hugvísinda koma einnig við sögu.

Er BA-nám í samfélags- og hagþróunarfræði við Háskólann á Akureyri sambærilegt við annað BA-nám í félagsvísindum?

BA-nám í samfélags- og hagþróunarfræði er fyllilega sambærilegt við annað félagsvísindanám á Íslandi. Einingafjöldi í einstökum greinum félagsvísinda jafnast á við BA-nám við 60 eininga háskólanám við Háskóla Íslands  í félagsfræði, mannfræði eða stjórnmálafræði með 30 eininga aukagrein í einhverri hinna greinanna.

Hvaða möguleika eiga nemendur á framhaldsnámi að loknu BA-námi í  samfélags- og hagþróunarfræði?

Nám í samfélags- og hagþróunarfræði veitir staðgóðan grunn fyrir  framhaldsnám í helstu greinum félagsvísinda. Kennarar í samfélags- og hagþróunarfræði hafa mikil og sterk tengsl við ýmsa háskóla á Íslandi, í Evrópu og Norður-Ameríku og kappkosta við að tryggja nemendum sem þess óska möguleika til framhaldsnáms.

Hvaða bakgrunn hafa kennarar í samfélags- og hagþróunarfræði við Háskólann á Akureyri?

Kennarar í samfélags- og hagþróunarfræði hafa margvíslegan bakgrunn. Flestir þeirra hafa lokið doktorsprófi við virta erlenda háskóla og hafa jafnframt kennt á háskólastigi víðsvegar um heim.

Hvaðan eru þeir nemendur sem stunda nám í samfélags- og hagþróunarfræði?

Nemendur í samfélags- og hagþróunarfræði koma alls staðar að. Svipaður fjöldi þeirra á uppruna sinn á Akureyri, á höfuðborgarsvæðinu og annars staðar af landinu.  

Hafir þú aðrar spurningar getur þú sent fyrirspurn

Til baka á forsíðu

Síðast uppfærð 30.05.2007