Samfélags- og hagþróunarfræði við Háskólann á Akureyri

Námið

BA-nám í samfélags- og hagþróunarfræði er nýjung hér á landi. Námið byggir á kenningalegum og aðferðafræðilegum grunni félagsvísindanna með áherslu á orsakir og afleiðingar örra þjóðfélagsbreytinga á Íslandi, í öðrum samfélögum á norðurslóðum og í þróunarlöndunum. Nemendur öðlast góðan undirbúning fyrir störf á sviði samfélags- og þróunarmála á innlendum og erlendum vettvangi og fyrir framhaldsnám í hinum ýmsu greinum félagsvísindanna.

Í náminu kynnast nemendur ýmsum einkennum ólíkra samfélaga og þeim úrlausnar- og álitaefnum sem þau standa frammi fyrir. Meðal umfjöllunarefna eru helstu kenningar og rannsóknir á sviði þjóðfélagsbreytinga, aðferðir tölfræði og vettvangsrannsókna, einkenni náttúrlegs og mannlegs umhverfis, stjórnun byggða- og þróunarmála og starfsemi þróunarstofnana og samtaka. Nemendur fá þjálfun í skipulagningu og framkvæmd rannsókna og framsetningu á rannsóknarniðurstöðum fyrir almenning og fræðimenn.

Námsyfirlit samfélags- og hagþróunarfræði

Uppbygging námsins

Samfélags- og hagþróunarfræði er 90 eininga nám til BA-prófs og geta nemendur í fullu námi lokið því á þremur árum. Einnig er hægt að ljúka náminu á lengri tíma í hlutanámi. Í flestum námskeiðum er byggt á svonefndi símati sem gerir nemendum kleift að fylgjast með frammistöðu sinni jafnóðum yfir misserið.

Á fyrsta ári er lagður almennur grunnur að námi í samfélags- og hagþróunarfræði. Fjallað er um iðnbyltinguna og afleiðingar hennar víðsvegar um heimsbyggðina, helstu kenningar í þjóðfélagsfræði og hugmyndastrauma Vesturlanda á 20. öld. Nemendur öðlast jafnframt góða undirstöðu í aðferðafræði félagsvísindanna.

Á öðru ári er fjallað um félagsfræði, mannfræði, hagfræði og stjórnmálafræði sem stoðgreinar samfélags- og hagþróunarfræðinnar, nemendur kynnast meginþáttum í þróunarmálum og öðlast þekkingu íslenskum byggðamálum, málefnum annarra samfélaga á norðurslóðum og helstu þáttum í þróunarsamvinnu. Nemendur fá jafnframt þjálfun í beitingu aðferðafræði félagsvísindanna við úrlausn rannsóknarverkefna.

Á þriðja ári aukast valmöguleikar nemenda umtalsvert og gefst þeim kostur á því að sníða námið að áhugasviðum sínum. Nemendur taka skyldunámskeið um íslensk byggðamál, samfélög á norðurslóðum og þróunarsamvinnu auk námskeiða í kynjafræði og afbrotafræði. Þeir geta jafnframt valið sérhæfð námskeið af margvíslegu tagi innan eða utan deildar auk þess sem þeim gefst kostur á sjálfstæðum rannsóknarverkefnum, vettvangsferðum erlendis og starfsþjálfun.

Náminu lýkur með ritun BA-ritgerðar þar sem nemendur beita kenningalegri, aðferðafræðilegri og efnislegri þekkingu sinni á tiltekið viðfangsefni. Efni BA-ritgerðar er valið í samráði við fasta kennara deildarinnar

Kennsluskrá samfélags- og hagþróunarfræði 2006 - 2007

Inntökuskilyrði

Stúdentspróf eða sambærileg menntun er skilyrði fyrir innritun í deildina. Eingöngu er hægt að hefja nám á haustmisseri.

Kostnaður

Innritunargjöld við Háskólann á Akureyri veturinn 2006 - 2007 eru 45.000 ISK á ári. Bókakaup eru á bilinu 15.000 - 30.000 ISK á ári. Tekið skal fram að mörg stéttarfélög niðurgreiða gjöld og bókakostnað nemenda.

Af hverju Háskólinn á Akureyri?

Við HA eru í boði margvíslegar námsleiðir til fyrstu háskólagráðu (BA, BS eða BEd-prófs). Í vaxandi mæli er einnig boðið upp á framhaldsnám til meistaraprófs við flestar deildir skólans.
Lögð er áhersla á einstaklingsbundið nám við HA. Nemendur fá umtalsverða einstaklingsbundna leiðsögn og hvatningu til þátttöku í fræðilegum rannsóknum. Háskólinn hefur sterk tengsl við atvinnulífið og ýmsar stofnanir í samfélaginu.

Aðstaða fyrir nemendur er afar góð við HA. Kennsluhúsnæði er nýlegt, tölvuver vel búin, aðstaða í lesrýmum er góð og hægt er að tengjast internetinu í gegnum þráðlaust net háskólans. Mikil áhersla er lögð á öfluga stoðþjónustu bókasafns, tölvuþjónustu, námsráðgjafar og alþjóðastarfs.

Nemendur við HA geta sótt um íbúðir á vel búnum stúdentagörðum á vegum félagsstofnunar stúdenta FÉSTA.

Akureyri er vaxandi skólabær með fjölbreytt framboð af skemmtunum, menningarviðburðum og öðrum möguleikum til afþreyingar.

Háskólanám á Akureyri hentar fjölskyldufólki sérstaklega vel. Til dæmis er hlutfall háskólamenntaðra leikskólakennara á Akureyri með því hæsta á landinu, leikskólagjöld eru með þeim lægstu og stefnt er að því að öll börn komist að við átján mánaða aldur.

Til baka á forsíðu

Síðast uppfærð 30.05.2007



	Námið BA-nám í samfélags- og hagþróunarfræði er nýjung hér á landi. Námið byggir á kenningalegum og aðferðafræðilegum grunni félagsvísindanna með áherslu á orsakir og afleiðingar örra þjóðfélagsbreytinga á Íslandi, í öðrum samfélögum á norðurslóðum og í þróunarlöndunum. Nemendur öðlast góðan undirbúning fyrir störf á sviði samfélags- og þróunarmála á innlendum og erlendum vettvangi og fyrir framhaldsnám í hinum ýmsu greinum félagsvísindanna. Í náminu kynnast nemendur ýmsum einkennum ólíkra samfélaga og þeim úrlausnar- og álitaefnum sem þau standa frammi fyrir. Meðal umfjöllunarefna eru helstu kenningar og rannsóknir á sviði þjóðfélagsbreytinga, aðferðir tölfræði og vettvangsrannsókna, einkenni náttúrlegs og mannlegs umhverfis, stjórnun byggða- og þróunarmála og starfsemi þróunarstofnana og samtaka. Nemendur fá þjálfun í skipulagningu og framkvæmd rannsókna og framsetningu á rannsóknarniðurstöðum fyrir almenning og fræðimenn. Námsyfirlit samfélags- og hagþróunarfræði Uppbygging námsins Samfélags- og hagþróunarfræði er 90 eininga nám til BA-prófs og geta nemendur í fullu námi lokið því á þremur árum. Einnig er hægt að ljúka náminu á lengri tíma í hlutanámi. Í flestum námskeiðum er byggt á svonefndi símati sem gerir nemendum kleift að fylgjast með frammistöðu sinni jafnóðum yfir misserið. Á fyrsta ári er lagður almennur grunnur að námi í samfélags- og hagþróunarfræði. Fjallað er um iðnbyltinguna og afleiðingar hennar víðsvegar um heimsbyggðina, helstu kenningar í þjóðfélagsfræði og hugmyndastrauma Vesturlanda á 20. öld. Nemendur öðlast jafnframt góða undirstöðu í aðferðafræði félagsvísindanna. Á öðru ári er fjallað um félagsfræði, mannfræði, hagfræði og stjórnmálafræði sem stoðgreinar samfélags- og hagþróunarfræðinnar, nemendur kynnast meginþáttum í þróunarmálum og öðlast þekkingu íslenskum byggðamálum, málefnum annarra samfélaga á norðurslóðum og helstu þáttum í þróunarsamvinnu. Nemendur fá jafnframt þjálfun í beitingu aðferðafræði félagsvísindanna við úrlausn rannsóknarverkefna. Á þriðja ári aukast valmöguleikar nemenda umtalsvert og gefst þeim kostur á því að sníða námið að áhugasviðum sínum. Nemendur taka skyldunámskeið um íslensk byggðamál, samfélög á norðurslóðum og þróunarsamvinnu auk námskeiða í kynjafræði og afbrotafræði. Þeir geta jafnframt valið sérhæfð námskeið af margvíslegu tagi innan eða utan deildar auk þess sem þeim gefst kostur á sjálfstæðum rannsóknarverkefnum, vettvangsferðum erlendis og starfsþjálfun. Náminu lýkur með ritun BA-ritgerðar þar sem nemendur beita kenningalegri, aðferðafræðilegri og efnislegri þekkingu sinni á tiltekið viðfangsefni. Efni BA-ritgerðar er valið í samráði við fasta kennara deildarinnar Kennsluskrá samfélags- og hagþróunarfræði 2006 - 2007 Inntökuskilyrði Stúdentspróf eða sambærileg menntun er skilyrði fyrir innritun í deildina. Eingöngu er hægt að hefja nám á haustmisseri. Kostnaður Innritunargjöld við Háskólann á Akureyri veturinn 2006 - 2007 eru 45.000 ISK á ári. Bókakaup eru á bilinu 15.000 - 30.000 ISK á ári. Tekið skal fram að mörg stéttarfélög niðurgreiða gjöld og bókakostnað nemenda. Af hverju Háskólinn á Akureyri? Við HA eru í boði margvíslegar námsleiðir til fyrstu háskólagráðu (BA, BS eða BEd-prófs). Í vaxandi mæli er einnig boðið upp á framhaldsnám til meistaraprófs við flestar deildir skólans. Lögð er áhersla á einstaklingsbundið nám við HA. Nemendur fá umtalsverða einstaklingsbundna leiðsögn og hvatningu til þátttöku í fræðilegum rannsóknum. Háskólinn hefur sterk tengsl við atvinnulífið og ýmsar stofnanir í samfélaginu. Aðstaða fyrir nemendur er afar góð við HA. Kennsluhúsnæði er nýlegt, tölvuver vel búin, aðstaða í lesrýmum er góð og hægt er að tengjast internetinu í gegnum þráðlaust net háskólans. Mikil áhersla er lögð á öfluga stoðþjónustu bókasafns, tölvuþjónustu, námsráðgjafar og alþjóðastarfs. Nemendur við HA geta sótt um íbúðir á vel búnum stúdentagörðum á vegum félagsstofnunar stúdenta FÉSTA. Akureyri er vaxandi skólabær með fjölbreytt framboð af skemmtunum, menningarviðburðum og öðrum möguleikum til afþreyingar. Háskólanám á Akureyri hentar fjölskyldufólki sérstaklega vel. Til dæmis er hlutfall háskólamenntaðra leikskólakennara á Akureyri með því hæsta á landinu, leikskólagjöld eru með þeim lægstu og stefnt er að því að öll börn komist að við átján mánaða aldur. Til baka á forsíðu

	Síðast uppfærð 30.05.2007