Í stuttu máli er ég afar ánægður með nám mitt í samfélags- og hagþróunarfræði við Háskólann á Akureyri. Námið var mjög fjölbreytt, hagnýtt og síðast en ekki síst skemmtilegt. Símatið er námsmat sem hentar þessu námi vel og fannst mér ég tileinka mér námsefnið betur en með hefðbundnu námsmati. Í þessum efnum hef ég góðan samanburð enda bæði lokið viðskiptafræði og kennsluréttindanámi við Háskólann á Akureyri þar sem hefðbundnu námsmati er beitt.

Samhliða námi mínu í samfélags- og hagþróunarfræði starfaði ég sem sérfræðingur hjá RHA – Rannsókna- og þróunarmiðstöð Háskólans á Akureyri. Námið í samfélags- og hagþróunarfræðinni nýttist mér vel í störfum mínum á RHA sem og í starfi mínu núna sem verkefnisstjóri alþjóðamála og prófstjóri Háskólans á Akureyri.

Allt frá því að ég hóf nám í samfélag- og hagþróunarfræði hefur hugur minn staðið til þess að fara í framhaldsnám í Bandaríkjunum. Í haust læt ég drauminn rætast en þá hef ég framhaldsnám í hagrænni félagsfræði við University of Missouri-Columbia. Tel ég að grunnur minn úr samfélags- og hagþróunarfræði eigi eftir að koma mér að góðum notum þar rétt eins og hann hefur gert hingað til.

Ég mæli hiklaust með námi í samfélags- og hagþróunarfræði við Háskólann á Akureyri.

 

Einar Kolbeinsson

Eftir að ég lauk prófi í samfélags- og hagþróunarfræði hafa mér boðist býsna fjölbreyttir atvinnumöguleikar þrátt fyrir búsetu í litlu samfélagi þar sem framboð starfa fyrir háskólamenntaða einstaklinga er takmarkað.

Þverfaglegur fjölbreytileiki námsins veitir í raun aðgang að mörgum og mismunandi sviðum atvinnulífsins, bæði í opinbera geiranum sem og á almennum markaði. Ég hef nú tekið við prýðilegri stöðu hjá Blönduósbæ þar sem ég þarf að takast á við mjög fjölbreytt og krefjandi verkefni. Sú færni, þekking og þjálfun sem ég öðlaðist með náminu hefur reynist mér sérlega vel í starfi og því er óhætt að mæla með greininni fyrir þá sem t.d. hyggja á umsýslu- eða stjórnunarstörf hverskonar.

Mér finnst sérstök ástæða til að mæla með símatskerfinu sem hentar a.m.k. mínum náms- og vinnuaðferðum sérstaklega vel. Einnig fannst mér nálægð og persónulegt samneyti við kennara og annað starfsfólk deildarinnar til þess fallið að auka ánægju og árangur nemenda.

Á haustdögum mun ég hefja MBA nám við Háskóla Íslands sem tekur til stjórnunar- og rekstrarfræða, alþjóðaviðskipta og markaðsmála. Með því hyggst ég útvíkka þekkingu mína enn frekar og tel þetta nám sérlega hagnýta viðbót við samfélags- og hagþróunarfræðina. Sá skilningur sem hún veitir hvað varðar þróun, samsetningu og drifkrafta samfélagsins mun án nokkurs efa reynast mér notadrjúgur þekkingarbrunnur þegar kemur að frekari fróðleiksöflun rétt eins og á vinnumarkaði hingað til.

 

Hilda Charlotte van Schalkwyk

To Guelph and back; a Masters thesis begun

Standing on the deck of the nuclear powered icebreaker Rossija in Russia during our student Snow Change trip in 2005. Seven storeys high, nuclear reactor aboard - for an instance as my eyes traversed the immense span of sea on a map understanding coalesced about nature and resources, economic necessity and survival. Later the dead earth of the mining town Nikel and fieldwork in Greenland on the socio-economic impacts of mining under auspices of the Stefansson Arctic Institute during my last year of study at the University of Akureyri.  

Journeys begin in moments such as these. Mine took me to the elective program Work and Change in Global Context at the department of Sociology and Anthropology, University of Guelph, Canada. Many an insightful seminar and conversation with my advisory committee and members of faculty later a proposal for a Masters thesis took shape. My interest remained with the high technology resource related environments, such as mines, sea vessels and oil rigs, but in the commonality of high-risk work environments and with a new institutional methodology I had found an approach. My Masters Thesis study; “From the global to the local: A translocal investigation into the institutional and instrumental effectiveness of maritime safety training,” is aimed at the development of greater knowledge and understanding on the effectiveness of maritime safety training in the era of globalisation and takes place in Iceland and at he International Maritime Organisation, agency of the United Nations, in England.

As I write this piece about my experience of my education I am on the Icelandic Association of Search and Rescue training vessel, Saebjorg, as it navigates the North Atlantic around Iceland to present safety training courses to seafarers. I am filled with a great sense of gratitude and humility, hoping to be of value in these quests of mine. Education is a privilege and I am glad for my learning, my fellow-students, and the remarkable educators I had during my studies at the University of Akureyri.

H.C. van Schalkwyk, 8 June 2007 

http://www.sociology.uoguelph.ca/graduate_program/gradprofiles.html

 

Steingrímur Sigurðsson

Eftir að hafa unnið sem sjálfboðaliði að félagslegum verkefnum í Afríku var algjör hvalreki fyrir mig að Háskólinn á Akureyri hæfi kennslu í þróunarfræðum haustið 2003. Námið var fjölbreytt, skemmtilegt og mjög í takt við það sem er að gerast í heiminum í dag. Kennararnir komu úr ýmsum áttum og útskýrir það eflaust hvers vegna nemendurnir sem útskrifuðust með mér fóru í jafn mismunandi áttir og raun bar vitni.

Sem dæmi um fjölbreytni í náminu mínu má nefna að ég fór ásamt samnemum mínum í námsferð til Múrmansk í Rússlandi þar sem við m.a. fengum að fara um borð í kjarnorkuknúinn ísbrjót og kynnast lifnaðarháttum hreindýrahirðingja bæði í Rússlandi og Finnlandi. Ég kynntist starfi alþjóðadeildar Rauða kross Íslands mjög vel þar sem ég fór í starfsnám í mánuð ásamt tveimur öðrum nemum í þróunarfræðum. Einnig vann ég að stóru rannsóknarverkefni sem bar heitið “Akureyri Community Study” ásamt nemum frá HA og University of Evansville í Bandaríkjunum.

Samfélags og hagþróunarfræði gefur góðan grunn að t.d. félagsfræði, mannfræði, þróunarfræði, heimspeki, hagfræði og stjórnmálafræði. Eftir að ég lauk námi hóf ég störf hjá Rauða kross Íslands og starfaði þar í ár. Einnig var mér boðið nýlega á friðarrástefnu í Ísrael, en hún var haldin í Jerúsalem um páskana á vegum alþjóðlegra samtaka. Í dag starfa ég í fyrirtækjalausnum hjá MasterCard og er það mjög lýsandi um hversu þverfaglegt námið er.

Segja má að mjög erfitt sé að finna nám sem býður uppá jafn marga ólíka möguleika og samfélags- og hagþróunarfræði gerir. Ég mæli hiklaust með þessu námi fyrir alla þá sem langar í gott grunnnám með fjölmörgum möguleikum; ekki einungis í mismunandi framhaldsnámi seinna meir, heldur einnig skemmtilegum atvinnutækifærum.

Ég stefni á framhaldsnám á næstu árum – en hvort það verður í þróunarfræðum eða öðrum fræðum mun tíminn einn að leiða í ljós.