Forsíða   Kynning   Heiti ráðstefnunnar   Dagskrá   Ágrip af erindum   Smiðjur   Gisting og ferðir   Skráning

Hjá öllum vakir þráin að birta öðrum hug sinn [1] Heiti ráðstefnunnar er fengið frá Guðmundi Finnbogasyni en í Lýðmenntun sem út kom fyrst 1903 segir hann m.a.: ... því sem einn fær ekki orkað verður auðveldlega afkastað, fái hann aðra í lið með sér. Og vald vort yfir öðrum mönnum og áhrif á athafnir þeirra eru mjög komin undir því hve góð tök sálin hefur á líkama vorum. Hugsanir vorar, tilfinningar og vilja getum vér aðeins miðlað öðrum með hreyfingum líkamans, með látbragði, orðum og gjörðum. Allt samlíf manna og það sem af því sprettur á rót sína í því að menn hafa þörf á að geta látið aðra vita hvað þeim býr í brjósti. Hjá öllum vakir þráin að birta öðrum hug sinn. Sú þrá er að vísu ekki jafn-sterk hjá öllum, en hún er þó einn sterkasti þátturinn í þræði þeim er bindur mann við mann. Fagrar hugsanir og viðkvæmar tilfinningar eiga erindi við fleiri en þann sem fyrstur finnur þær, og eitt hið veglegasta í eðli manns er hin ósíngjarna löngun eftir að gjöra aðra aðnjótandi þess sem maður á best í eigu sinni, þráin að heyra dýrðlegustu drauma og helgustu hljóma endurkveða í sálum annarra. Guðmundur Finnbogason (1994). Lýðmenntun [2. útg.]. Reykjavík: Rannsóknarstofnun Kennaraháskóla Íslands