Námsmat – lykill að bættu námi
Ráðstefna haldin á vegum Skólaþróunarsviðs kennaradeildar
Háskólans á
Akureyri
14. apríl 2007
Námssmiðjur 13. apríl 2007.
Námsmat er þýðingarmikill og órjúfanlegur þáttur náms og
kennslu. Í víðum skilningi lýtur það að því að bæta nám nemanda og starf
kennara. Ráðstefnan er því ætluð kennurum á öllum skólastigum og öðru
áhugafólki um skólastarf. Til umræðu verða ýmsar áleitnar spurningar eins
og: Hver er tilgangur og gildi námsmats á hinum ýmsu skólastigum? Hvað má
sjá fyrir um stöðu og þróun námsmats í skólastarfi hér á landi? Á hvern hátt
getur námsmat bætt námsaðstæður nemenda? Hvernig er upplýsingum úr námsmati
best til skila komið til nemenda, forráðamanna og fræðsluyfirvalda?
Aðalfyrirlesarar á ráðstefnunni verða:
Allyson Macdonald
John Pryor
Rúnar Sigþórsson
Val Brooks
Þá munu Brynhildur Anna Ragnarsdóttir og Júlíus Björnsson ræða saman um
framtíðarsýn sína á hlutverki námsmats í skólastarfi og þróun þess.
Á ráðstefnunni verður ennfremur fjöldi málstofa þar sem greint verður frá
ýmsum aðferðum við námsmat og þróunarverkefnum á því sviði.
SMIÐJUR FÖSTUDAGINN 13. APRÍL 2006
Föstudaginn 13. apríl er boðið upp á námssmiðjur. Í námssmiðjum verður unnið
ítarlegar með einstök þemu sem frummælendur á ráðstefnunni stjórna. Hver
námssmiðja verður sambland af fræðslu og vinnu þátttakenda þar sem þeir fá
rík tækifæri til að læra og æfa sig. Fyrirlestur og innlögn er 25–30% tímans
en að öðru leyti fá þátttakendur tækifæri í hópi eða einstaklingslega til
ígrundunar, tilrauna og æfinga.
1 Guðmundur
Finnbogason. 1994. Í hug þess sem hugsar skarplega er hver þekking sem
hringurinn Draupnir. Níundu hverja nótt drupu af honum átta hringar
jafnhöfgir. Og þekkingin er vald. Enginn getur notað eldinn sem þjón sinn án
þess að þekkja verkanir hans. Enginn getur beitt sverðinu til sigurs sér, ef
hann þekkir ekki odd frá hjöltum. Lýðmenntun (bls. 42). Reykjavík.
Rannsóknastofnun KHÍ.
Forsíða