Einn og tveir og inn komu þeir...
Stærðfræði fyrir byrjendur, 1-3ja ára
Laugardaginn 23. september 2006 gengst
skólaþróunarsvið, kennaradeildar Háskólans á Akureyri fyrir ráðstefnu um nám og
starf yngstu barnanna í leikskólanum með sérstaka áherslu á stærðfræði.
Aðalfyrirlesarar ráðstefnunnar verða tveir sænskir leikskólakennarar, Mikaela
Sundberg og Susanne Hådén. Fyrirlestur þeirra heitir:
„Stærðfræði og hringir
– hvar er stærðfræði fyrir tveggja og þriggja ára börn að finna“? (Matematik och
cirklar – var finns matematiken för 2-3 åringarna?)
Fyrirlestrar verða túlkaðir á íslensku
Árið 2004 ákváðu leikskólakennarar á 22 deildum í
leikskólasamfélaginu Kärrtorp-Enskededalen Stokkhólmi, að skoða með „gleraugum
stærðfræðinnar“ starfið með 1 – 3ja ára börnum. Markmiðið var að koma auga á
stærðfræðina sem felst í umhverfinu, en einnig að bjóða börnunum upp á
margskonar efnivið og tengja stærðfræði. Leikskólakennarar útbjuggu margvísleg
stærðfræðitæki úr ýmsum munum sem falla til í daglegu lífi fólks. Tilgangurinn
var að reyna að skilja gegnum uppeldisfræðilegar skráningar hvernig stærðfræðin
birtist í efniviði og tilraunum barnanna. Á ráðstefnunni munu Mikaela og Susanne
rekja verkefnið bæði í máli og myndum og segja frá því hvernig verkefnið hefur
fest í sessi og þróast áfram og verið hvati fyrir önnur verkefni.
Mikaela Sundberg, er leikskólakennari og hefur starfað sem faglegur ráðgjafi í
mörg ár í leikskólasamfélaginu Kärrtorp-Enskededalens, þar sem sjö leikskólar
eru saman undir einni stjórn. Auk ráðgjafar og handleiðslu, heldur Mikaela utan
um og ber ábyrgð á endurmenntun leikskólakennara í leikskólasamfélaginu,
Kärrtorp-Enskededalen í Stokkhólmi.
Susanne Hådén, er leikskólakennari í leikskólanum Skördevägen og er ein af
upphafskonum stærðfræðiverkefnisins „Matamatik och cirklar“.
Forsíða