Kínverskt mál og samfélag

Á undanförnum áratugum hefur veröldin einkennst öðru fremur af tvenns konar þróun: annars vegar auknum gagnkvæmum áhrifum heimshornanna á milli og vaxandi hlutdeild markaðslögmálanna á sviðum hagsýslu, stjórnmála, samfélagsmála og jafnvel menningarmála sem í sameiningu eru kennd við hnattvæðingu; hins vegar síauknu vægi hins stór-kínverska menningarsvæðis í þeirri framvindu sem lýtur hnattvæðingunni. Þessar byltingarkenndu sviptingar hafa opnað augu Vesturlandabúa fyrir þeirri nauðsyn að öðlast þekkingu og skilning á hinum framandi kínverska menningarheimi, kínverskum lífsháttum og kínverskum samfélagsaðstæðum. En samtímis eru Vesturlandabúar í óða önn að gera sér grein fyrir þeim mikla fjársjóði sem felst í hinni fornu og djúpu kínversku menningu. Hvað sem líður hnattvæðingunni og sviptingum hennar er þetta eilífur fjársjóður sem ekki verður metinn til fjár, né ætti hann að vera aðgengilegur einungis fáum útvöldum, heldur ætti mannkyn allt að fá að njóta hans sér til þroska og visku.

Frá og með hausti 2007 verður boðið upp á kínverskunám við Háskóla Íslands í samstarfi við Háskólann á Akureyri. Unnt verður að taka kínversku sem aukagrein til 30 eininga eða sem áherslulínu innan Austur-Asíufræða (60 eða 90 einingar).

Austur-Asíufræði taka til sögu, menningar og samfélaga samnefnds heimshluta og einskorðast í meginatriðum við Kína, Japan og Kóreuríkin tvö. Þrátt fyrir margbreytileika svæðisins hafa þjóðirnar sem það byggja einnig orðið fyrir miklum gagnkvæmum áhrifum í aldanna rás.

Vægi þessa heimshluta í viðskipta-, stjórnmála- og menningarlegu tilliti hefur farið sívaxandi á undanförnum áratugum. Í náminu er lögð áhersla á að nemendur öðlist haldbæran skilning á aðstæðum, einkennum og áhrifum hans í alþjóðavæddum samtímanum.

Nemendur sem taka Austur-Asíufræði sem aðalgrein velja sér í upphafi að leggja stund á annað hvort kínversku eða japönsku. Að auki velja þeir úr ýmsum námskeiðum sem fjalla meðal annars um sögu, bókmenntir, kvikmyndir, stjórnmál, efnahagsmál, siði og venjur þessara samfélaga.

Vera má að einstök námskeið verði kennd við Háskólann á Akureyri og þá í fjarnámi til Háskóla Íslands.

Námsleiðir

Austur-Asíufræði má taka til 90 eininga B.A.-gráðu. Þá eru 60 einingar teknar á Íslandi en 30 einingar annað hvort við samstarfsháskóla í Kína eða Japan, eða í Evrópu (í gegnum Nordplus eða Erasmus nemendaskipti).

Einnig er unnt að taka Austur-Asíufræði til B.A.-gráðu sem 60 eininga aðalgrein með 30 eininga aukagrein á öðru sviði. Að minnsta kosti 15 einingar skulu þá teknar við erlendan samstarfsháskóla.

Loks geta nemendur tekið Austur-Asíufræði sem 30 eininga aukagrein með 60 eininga aðalgrein á öðru sviði. Námskeiðin eru öll samfélags- og menningartengd og er þá ekki boðið upp á tungumálanám.

Nám og dvöl í Asíu

Nemendur geta þreytt hluta náms síns í Kína eða Japan. Standa þar ýmsir möguleikar til boða þar sem háskólarnir hafa gert tvíhliða samninga við fjölmarga háskóla í báðum löndum.

Einnig bjóða kínversk og japönsk stjórnvöld upp á námsstyrki fyrir tvo nemendur árlega. Til viðbótar er í boði styrkur til náms í Taiwan. Almennt eru allir þessir styrkir ætlaðir nemendum sem komnir eru nokkuð áleiðis í námi.

Japönsk stjórnvöld veita auk þess nokkrum nemendum sem leggja stund á japönsku styrki til að fara í tveggja vikna námsferð til Japans. Einnig býður IJCE (Iceland Japan Cultural Exchange) nokkrum nemendum að taka þátt í stúdentaþingi í Japan og á Íslandi ár hvert.

Loks geta háskólarnir aðstoðað nemendur við að sækja sumarnámskeið í Asíu.

Menningar- og félagslíf

Til viðbótar við námskeiðin skipuleggja kennarar og nemendur námsleiðarinnar í Austur-Asíufræðum ýmsa menningarviðburði. Viðburðum þessum er bæði ætlað að dýpka skilning nemenda og almennings á Austur-Asíu og vekja athygli á náminu. Margir þeirra eiga sér stað í samvinnu við stofnanir á borð við Asíuver Íslands (ASÍS).

Nánari upplýsingar um námsframboð er að finna í kennsluskrá Háskóla Íslands

Eftirfarandi námskeið verða í boði Háskólans á Akureyri á komandi skólaári. Þau eru þáttur í sameiginlegri námsleið Háskólans á Akureyri og Háskóla Íslands í Austur-Asíufræðum. Umsjón með námskeiðum HA hefur Símenntun Háskólans á Akureyri.

Í þessu námskeiði verður kennd stöðluð kínverska (putonghua) fyrir byrjendur. Nemendur öðlast getu í að skilja og tjá sig í öllum formum kínversku, hlustun, talmáli, lestur og skrift. Að námskeiði loknu ættu nemendur að hafa gott vald á um 300 kínverskum orðum og orðasamböndum og geta skilið og ritað nokkur algeng kínversk tákn. Kennsla fer fram á ensku.

Námskeiðið fer fram tvisvar í viku frá klukkan 16:15-18:45 (3 x 45 mínútur). Kennt verður í staðarkennslu við Háskólann á Akureyri og í gegnum fjarfundarbúnað til Háskóla Íslands. Samtals verða kenndir 72 tímar.

Námsgögn: Contemporary Chinese. Þetta eru samtals þrjár bækur og þrír geisladiskar sem samtals kosta 4500 krónur. Símenntun Háskólans á Akureyri sér um sölu gagnanna og mun skráðum nemendum verða tilkynnt hvernig standa skuli að greiðslu.

Verð námskeiðs: Tilkynnt síðar. Frítt fyrir nemendur HA og HÍ. Hér má nálgast skráningareyðublað.

Þetta námskeið er framhald námskeiðsins KÍN0173 sem kennt var á vorönn 2006. Það er einungis kennt í staðarkennslu við Háskólann á Akureyri og fer fram einu sinni í viku frá 16:15-18:45 (3 x 45 mínútur).

Verð námskeiðs: 45.000 krónur. Frítt fyrir nemendur HA og HÍ. Hér má nálgast skráningareyðublað.

Námskeiðið hefst 22. janúar og er kennt á mánudögum frá klukkan 16:15-18:45 (3 x 45 mínútur). Kennt verður í staðarkennslu við Háskólann á Akureyri og í gegnum fjarfundarbúnað til Háskóla Íslands (fjarfundarstofa Odda). Samtals verða kenndir 36 tímar.

Verð námskeiðs: Tilkynnt síðar. Frítt fyrir nemendur HA og HÍ. Hér má nálgast skráningareyðublað.

Þetta námskeið er framhald námskeiðsins KÍN0175 frá haustönn 2006. Það hefst 25. janúar og er kennt á fimmtudögum frá klukkan 16:15 til 18:45 (3 x 45 mínútur). Kennt verður í staðarkennslu við Háskólann á Akureyri og í gegnum fjarfundarbúnað til Háskóla Íslands (fjarfundarstofa Odda). Samtals verða kenndir 36 tímar. Námsefni: Contemporary Chinese 2.

Kína hefur tekið við af Bandaríkjunum sem land tækifæranna. Þessi fjölmennasta þjóð heimsins er nú ekki einungis aðlaðandi fyrir framboð af ódýru vinnuafli, heldur einnig vegna hinnar ört vaxandi auðugu millistéttar sem veldur því að landið er óðum að verða stærsti neyslumarkaður heims. En hvernig er best að komast inn á þennan markað og hvernig er vænlegast að hegða sér þegar þangað er komið? Kína er okkur ekki einungis framandi, heldur einnig afar flókið og margbrotið samfélag sem er að breytast með ógnarhraða. Í þessu námskeiði verður einkum tekið á hagnýtum úrlausnarefnum þess að stunda viðskipti við Kína. Hvers ber að gæta? Hvar eru áhætturnar mestar? Hvers kyns hegðun er líklegri til árangurs? Að námskeiðinu koma einstaklingar sem hafa mikla og beina reynslu af því að stunda viðskipti í Kína.

Námskeiðið er kennt frá Reykjavík og fjarkennt til Háskólans á Akureyri. Samtals verða kenndir 36 tímar.

Tim Ambler og Morgan Witzel. Doing Business in China. 2. útgáfa. London/New York: Routledge/Curzon, 2003.

Verð námskeiðs: 45.000 krónur. Frítt fyrir nemendur HA og HÍ. Hér má nálgast skráningareyðublað.

Austur-Asía: Söguleg þróun, nútímavæðing og vestrænar túlkanir – KÍN0973 (3e)

3. Fræðilegar og sögulegar skýringar á uppgangi kapítalismans í Austur-Asíu (Japan, Taiwan, Suður-Kórea)

5. Tilraunir til að rekja austur-asíska nútímavæðingu og kapítalíska þróun til konfúsískra hefða.

6. Endurkoma Kína eftir 1978 – kommúnisminn og leið Kínverja út úr honum.

Verð námskeiðs: 45.000 krónur. Frítt fyrir nemendur HA og HÍ. Hér má nálgast skráningareyðublað.

Auk þessara námskeiða við Háskólann á Akureyri býður Háskóli Íslands upp á námskeið sem snúa sérstaklega að japanskri menningu og samfélagsgerð. Öll námskeiðin verða gerð aðgengileg í gegnum fjarnám til Háskólans á Akureyri. Um er að ræða eftirfarandi námskeið:

欢迎光临冰岛大学和阿库雷里大学中国语言文化学主页